Խաղալիքներ արտադրող ընկերությունը դատական հայց է ներկացրել Լեդի Գագայի դեմ

Խաղալիքների արտադրությամբ զբաղվող ընկերությունը դատական հայց է ներկայացրել երգչուհի Լեդի Գագայի դեմ այն բանի համար, որ վերջինս իբր խախտել է տիկնիկի արտադրության պայմանագրի որոշ կետեր։ Նշենք, որ տիկնիկը հագել է Էքստրավագանտ կոստյումներ և կատարում է երգչուհու ամենահայտնի երգերը, հաղորդում է Associated Press գործակալությունը։

MGA Entertainment ընկերության հայցում նշվում է, որ նրանք Լեդի Գագայի հետ կապված ապրանքների արտադրությամբ և վաճառքով զբաղվով Bravado International-ին վճարել են ավանս 1 մլն դոլարի չափով։ Տիկնիկի արտադրողը ծախսել է խոշոր միջոցներ, որպեսզի այն հատնվի խանութներում 2012 թ. ամռանը։

Սակայն 2012 թ. գարնանը Bravado ընկերությունը որոշել է հրաժարվել պայմանագրի դրույթներից, ըստ որոնց տիկնիկին թույլատրվում է երգել Լեդի Գագյի երգերը, պնդում են հայցվորները։ Բացի այդ, երգչուհու ներկայացուցիչները փորձել են հետաձգել տիկնիկի թողարկումը մինչև 2013 թվականը, երբ լույս կտեսնի երգչուհու նոր ալբոմը։

MGA Entertainment-ը պահանջել է, որպեսզի երգչուհու ներկայացուցիչները դադարեն համագործակցել իրենց հետ, երբ Գագան մեկնել էր համաշխարհային շրջագայության։ Հայցվոր կողմը մտադիր է ապացուցել, որ տիկնիկի վերջնական էսքիզի չհաստատումը կհանգեցնի աշնանային վաճառքից սպասվող եկամուտից 28 մլն դոլարի կորստի։

Հայցի գումարը կազմում է ավելի քան 10 մլն դոլար։ Լեդի Գագայի փաստաբանները պնդում են, որ հայցվորը փորձում է վեճ առաջացնել երկու ընկերությունների միջև։ Իսկ Bravado ընկերությունը իր հերթին հայցը համարել է «անհիմն»: