Ադրբեջանի զինծառայողը հատել է ՀՀ պետական սահմանը

Սույն թվականի հուլիսի 26-ին՝ ժամը 06.00-ի սահմաններում, հայ-ադրբեջանական սահմանագծի հյուսիս-արևելյան հատվածում, հատելով Հայաստանի Հանրապետության պետական սահմանը, հայ դիրքապահներին է հանձնվել Ադրբեջանի Հանրապետության քաղաքացի, զինծառայող Ֆիրուզ Ֆարազովը:

Սահմանախախտը ձերբակալվել է, կատարվում է հետաքննություն:

ՀՀ ՊՆ նախարարությունից հայտնում են, որ ադրբեջանցի զինծառայողի՝ գերության մեջ գտնվելու մասին տեղեկացվել է Կարմիր Խաչի միջազգային կոմիտեի երևանյան գրասենյակին: