ԱՄՆ օդուժը սպառազինության է վերցնում գերհզոր ավիառումբերը

ԱՄՆ օդուժը մարտական պատրաստության է բերել բազմատոննայանոց հակաբունկերային MOP (Massive Ordnance Penetrator) ռումբերը: Այդ մասին Defense News-ին հայտնել է ԱՄՆ օդուժի պետ. քարտուղար Մայքլ Դոնլին: Վերջինիս խոսքերով՝ ռումբերը դեռ փորձարկման փուլում են, բայց օդուժը արդեն պատրաստ է կիրառել դրանք մարտական պայմաններում:

Նշենք, որ 13,6 տոննա զանգված ունեցող և GBU-57 նշանը կրող ավիառումբերը ստեղծվել են վերջին տարիներին և նախատեսված են Իրանում և Հյուսիսայն Կորեայում հատուկ պաշտպանվող ստորգետնյա կառույցների ոչնչացման համար: