Դրագիի ելույթից հետո նկատվել է նավթի գների աճ

Եվրոպական Կենտրոնական Բանկի նախագահ Մարիո Դրագիի՝ եվրագոտին ճգնաժամից դուրս բերելու խոստումից հետո շուկայում նկատվել են նավթի գների աճ:

Մասնավորապես, Brent նավթատեսակի գինը թանկացել է $ 0.89-ով՝ մեկ բարելի դիմաց հասնելով մինչև $ 105.27, իսկ WTI նավթատեսակը՝ $ 0.72-ով՝ մեկ բարելի դիմաց մինչև $ 89.69-ի:

ԵԿԲ-ի նախագահի վերոնշյալ խոստումից հետո ԱՄՆ դոլարի փոխարժեքը եվրոյի նկատմամբ սկսել է նվազման միտումներ ցույց տալ:

Petromatix ամսագրի վերլուծաբան Օլիվյե Ջակոբի կարծիքով, նավթի գների տատանումը, ամերիկյան նոր կարգավորիչ մեթոդների կիրառման դեպքում, շարունակական միտում կունենա:

Նավթային ընկերությունների եռամսյակային ցածր ցուցանիշները վկայում են նավթամթերքի օգտագործման ծավալների նվազման մասին: Մասնավորապես, Royal Dutch Shell և Statoil ընկերությունների եռամսյակային արդյունքները կանխատեսվածից ցածր են եղել: