«Ժողովուրդ». Կտրուկ պակասել են ոչխարի արտահանման ծավալները

ՀՀ կառավարությունը 2011–ին մշակել է «Ոչխարաբուծության զարգացման» հայեցակարգը, ըստ որի՝ ՀՀ-ում արագ տեմպերով ոչխարներ պիտի բուծվեն: Սակայն ծրագիրը դատապարտված է տապալման:

Թերթը համեմատում է, որ 80-ականներին ոչխարների գլխաքանակը մեր երկրում հասավ 2,2 միլիոնի, հետո նկատվեց գլխաքանակի նվազման միտում և 1991–ին կազմեց 1 միլիոն, իսկ արդեն 2009–ին հասավ 566 հազարի: Այսօր ոչխարների թիվը շուրջ 511 հազար է:

Այսինք՝ մոտ 4 անգամ կրճատվել են ոչխարաբուծության ծավալները:

«10 տարի առաջ իշխանություններն ինձ հետ թշնամացան, քանի որ ես կանխատեսել էի, որ ոչխարի գլխաքանակը կրճատվելու է, իսկ միսը՝ թանկանալու»,-«Ժողովուրդ»-ի հետ զրույցում հիշեցրել է «Եզդիների միություն» ՀԿ նախագահ Ազիզ Թամոյանը՝ բացատրելով որ ոչխարների գլխաքանակի նվազման պատճառը նրանց կերի սակավությունն է: Ի դեպ, այս տարի կտրուկ պակասել են նաև ոչխարի արտահանման ծավալները, քանի որ արդեն ոչխար չունենք «ուրիշին տալու»: