Սորոսականների «նահանջը առանց երգի». ԵՊՀ-ում կրքերը թեժանում են
Վերլուծական
Երևանի պետական համալսարանի ուսանողների հետ տարվող աշխատանքների կենտրոնի տնօրեն Վահագն Վարագյանն իր ֆեյսբուքյան էջում հրապարակել է Երևանի ընդհանուր իրավասության դատարանի որոշումը՝ իրենց աշխատանքային հարաբերությունների դադարացմանն ուղղված գործողությունների ոչ իրավաչափ ճանաչման պահանջի վերաբերյալ և նշել, որ դատարանը պարտավորեցրել է ԵՊՀ ղեկավարությանն իրենց աշխատանքից չազատել:
Հիշեցնենք, որ Վահագն Վարագյանը իր հեռացումը պատճառաբանել էր հանրապետական կուսակցության անդամ լինելով: ԵՊՀ հոգաբարձուների խորհրդի նախագահը այդ պաշտոնը ստանձնելու պահից ի վեր ջանք չի խնայել՝ համալսարանը նախկիններից ազատագրելու ուղղությամբ: Իսկ Գևորգ Մուրադյանին այս հարցում աջակցել են հայտնի ռեսթարթցիները, որոնք էլ նախատեսում էին իրենց կադրերով համալրել ԵՊՀ-ն: Սակայն պետք է նշել, որ Մուրադյանի մոտ սորոսականների համար ճանապարհ հարթելը հալած յուղի պես չի ընթանում: Անգամ ռեկտոր Արամ Սիմոնյանի հեռանալը Մուրադյանի ձեռքբերումը չէր, Սիմոնյանը հեռացավ՝ ի ցույց դնելով այն մթնոլորտը, որը ձևավորվել է Մայր Բուհում, խնդիրները հոգաբարձուների խորհրդում նույնպես շարունակվում են:
Ի դեպ, այդ խնդիրները ավելանալու են դատարանի կայացրած նման վճռից հետո, չէ՞ որ եթե խորհուրդը չի բողոքարկում այդ որոշումը, ուրեմն առնվազն պետք է հրաժարական տա: Դատարանի որոշումը անշուշտ էական փոփոխություններ է ենթարկելու սորոսականների ծրագրերը կապված Մայր Բուհի գրավման հետ, և այս անգամ Մուրադյանին կարող են նաև չներել, հատկապես, որ վաղուց շրջանառվում է այդ պաշտոնի հավակնորդ ևս մեկ անձի՝ իմքայլական Հովհաննես Հովհաննիսյանի անունը, ում կարող են ընտրել՝ որպես ձախողումը ձախողումի հետևից գրանցող Մուրադյանի փոխարինող…
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
