Facebook-ի եռամսյակային ցուցանիշները բացասական են

Աշխարհի ամենամեծ սոցիալական ցանցը՝ Facebook-ը, մայիսին առաջին անգամ ներկայացրել է իր եռամսյակային հաշվետվությունը: Այս տարվա երկրորդ եռամսյակի արդյունքներով, ընկերությունը $157 մլն.-ի վնաս է կրել, այսինքն՝, յուրաքանչյուր բաժնետոմսի գինը նվազել է $0.08-ով: Նախորդ տարվա նույն ժամանակաշրջանում Facebook-ը ստացել է $240 մլն. մաքուր շահույթ՝ մեկ բաժնետոմսի դիմաց ստանալով $0.11:

Facebook ընկերության ֆինանսների տնօրեն Դեյվիդ Էբեսմանն ասել է. «Մենք հիասթափվել ենք բորսայական առևտրի արդյունքներից, սակայն մենք չենք մոռանում, որ մնում ենք այն նույն ընկերությունը, ինչ առաջ էինք»:

Նույն ժամանակահատվածում ընկերության եկամուտները աճել են: Այս տարվա վերջին եռամսյակում ընկերությունն ստացել է $1.18 շահույթ, ինչը 32%-ով ավել է 2011 նույն ժամանակաշրջանի ցուցանիշից: Շահույթի 84%-ը կազմել է գովազդից ստացված շահույթը, որը, անցյալ տարվա նույն ժամանակաշրջանի համեմատ, աճել է 28%-ով:

Չնայած ունեցած շահույթին՝ ընկերության ծախսերն ավելի արագ են աճում: 2012թ.-ի տվյալներով, ընկերության ծախսերը կազմել են $1.93, որը 295%-ով ավել է նախորդ տարվա ցուցանիշից: Առևտրային և մարքեթինգային ծախսերն աճել են մոտ չորս անգամ՝ մինչև $392 մլն.: Ծախսերը նաև պայմանավորված են տվյալների վերամշակման նոր կենտրոնի շինարարությունով և նոր աշխատողների ներգրավումով: Լրացուցիչ $550 մլն. ծախսվել է Microsoft ընկերությունից պատենտներ գնելու նպատակով: