"Media Systems"-ը ստեղծել է բիզնես նեթվորքինգի առաջին հարթակը (տեսանյութ)

Հայաստանում ստեղծվել է բիզնես նեթվորքինգի առաջին հարթակը:

 

Օգոստոսի 27-ին «Թումո» ստեղծարար տեխնոլոգիաների կենտրոնում տեղի ունեցավ «Media Club» փակ միջոցառումը, որի շրջանակում մի վայրում էին հավաքվել հայաստանյան խոշոր կազմակերպությունների մենեջմենթի, մարքեթինգի և PR գծով մասնագետները:

 

Հանդիպումն առաջինն էր, բայց խոստումով՝ շարունակական և ավելի ընդգրկուն է դառնալու հաջորդիվ:

 

"Media Systems" գովազդային գործակալության ջանքերով ստեղծված այս հարթակը հնարավորություն կտա պրոպագանդել հաջողված բիզնես պատմություններ, դառնալ հարթակ, որտեղ կարող են հանդիպել հաջողակ բիզնեսմեններն ու սկսնակները: Մինչ այս՝ մշտապես զգացվել է նմանատիպ հարթակի անհրաժեշտությունը: Այս կարծիքին էին Հայաստանում արդեն իսկ հաջողված բիզնես պրոյեկտների ներկայացուցիչները:

 

«Ոլորտում առաջինը» թեմայով ելույթներ ունեցան Menu.am, Globbing և Tumo ընկերությունների ներկայացուցիչները, ովքեր իրենց ոլորտներում առաջինն էին Հայաստանում, բախվել էին բազմաթիվ խնդիրների, բայց և գտել ճիշտ ճանապարհն ու զարգացրել բիզնեսը. չէ՞ որ միշտ էլ առաջինը դժվար է լինել: