Վենեսուելայում ձերբակալվել է կոլումբիացի նարկոբարոնը

Վենեսուելայում ձերբակալվել է կոլումբիացի նարկոբարոն Մասիմիլիանո Բոնիլա Օրազկոն, ով թմրաբիզնեսի աշխարհում հայտնի է «Էլ Վալենսիանո» մականվամբ։ Այս մասին հաղորդում է France-Presse լրատվական գործակալությունը։

39-ամյա Օրազկոյի ձերբակալման մասին նոյեմբերի 28-ին հայտարարել է Կոլումբիայի նախագահ Խուան Մանուել Սանտոսը՝ Վենեսուելայի իր գործընկերոջ՝ Ուգո Չավեսի հետ հանդիպման ժամանակ։ Սանթոսը հայտնել է, որ նարկոբարոնը ձերբակալվել է Վենեսուելայի և Կոլումբիայի հատուկ ուժերի համատեղ գործողությունների արդյունքում։ 

«Էլ Վալենսիանոյի» և նրա խմբավորման՝ «Oficina de Envigado»-ի վեց հարյուր անդամներ մեծ քանակությամբ կոկաին են տեղափոխել Կոլումբիայից Մեքսիկա, այնուհետև Միացյալ Նահանգներ։  

ԱՄՆ Պետդեպարտամենտն Օրազկոյի խմբավորումը համարում էր կոլումբիական տաս վտանգավոր նարկոկորտելներից մեկը, ինչի պատճառով ԱՄՆ իշխանությունները նրա տեղը հայտնաբերելու համար հինգ միլիոն դոլար էին խոստացել։ ԱՄՆ Պետդեպի հաղորդմամբ՝ Օրազկոյին պատկանող լեգալ ապրանքներ ներմուծող ընկերությունը երկար ժամանակ Միացյալ Նահանգներ է ներմուծել կոկաին։ Իսկ այն մասին, թե Օրասկոյին որ երկրում են դատելու, դեռ հայտնի չէ։