CNN հեռուստաալիքը փոխում է նախագահին և փնտրում «նոր մտածողություն»

Ամերիկյան CNN հեռուստաալիքի նախագահ Ջիմ Ուոլթոնը ուրբաթ օրը հայտարարել է, որ լքելու է իր պաշտոնը այս տարվա դեկտեմբերի 31-ին, նշվում է ալիքի կայքում տեղադրված հաղորդագրության մեջ։ Հեռուստաընկերության ղեկավարությունը հայտարարում է, որ անհապաղ սկսում է ընկերության նախագահի պաշտոնի համար թեկնածուների ընտրություն:

«CNN-ին հարկավոր է նոր մտածողություն։ Այն սկսվում է նոր առաջնորդի գալու հետ, ով կբերի իր նոր հեռանկար, նոր փորձ և նոր նախագիծ», - հայտարարել է Ուոլթոնը, ով ղեկավարում էր հեռուստաալիքը 2003 թվականից, նշում է РИА Новости-ին։

Reuters գործակալությունը նշում է նաև, որ Time Warner Inc ընկերությանը պատկանող CNN-ը վերջերս զգալիորեն կորցրել է իր վարկանիշը, ինչը թույլ է տվել հեռուստաընկերության մրցակիցներին՝ Fox News-ին և MSNBC-ին, ամրապնդել իրենց դիրքերը մեդիաշուկայում։ Այս տարվա երկրորդ եռամսյակում CNN-ի ծրագրերի դիտումների վարկանիշը ամենացածրն է եղել վերջին 21 տարվա ընթացքում՝ նախորդ տարվա համեմատ նվազելով 35%-ով։