Սիրիական ընդդիմությունը երկրի կառվարման դասընթացներ է անցել Գերմանիայում

Սիրիական ընդդիմության ավելի քան 40 ղեկավար մասնակցել է թրեյնինգների, որոնց նպատակն է սովորել կառուցել ժողովրդավարություն։ Անսովոր միջոցառումը տեղի ունեցել մի քանի օր առաջ Բեռլինում, հաղորդում է Haaretz պարբերականը։

Ըստ իսրայելացի լրագրողների, Ասադի հնարավոր փոխարինողի ուսուցումը անց է կացվել խիստ գաղտնի պայմաններում։

Իսկ Գերմանիան ընտրվել էր որպես դասընթացների անցկացման վայր, որպեսզի ընդդիմության ղեկավարները կարողանան ծանոթանալ հատուկ ծառայություններում բարեփոխման իրականացման գերմանական փորձին։ Սիրիայի հնարավոր վերնախավի ներկայացուցիչները այցելել են գերատեսչություն, որը զբաղվում է Գերմանիայի Դեմոկրատական Հանրապետություն գաղտնի ոստիկանության՝ Շտազիի ժառանգությամբ։

Գերմանիայի արտաքին գործերի նախարարությունում հաստատել են այս դասընթացների անցկացման փաստը։ «Սա մեր հստակ արտահայտված քաղաքական գիծն է՝ խթանել փոխըմբռնումը Սիրիայի ընդդիմության ներսում և ապահովել վերջինիս պրոֆեսիոնալիզմը», - ասել է գերատեսչության ներկայացուցիչը: Այդուհանդերձ, դիվանագիտական աղբյուրը ընդգծել է, որ Գերմանիայի Դեմոկրատական Հանրապետությունը ծրագրի կազմակերպիչը չէ։

Նշենք, որ սիրիական ընդդիմությանը ինքնակրթության գործում աջակցում է ԱՄՆ-ի խաղաղության ինստիտուտը և Շվեյցարիայի արտաքին գործերի նախարարությունը։ Իսկ Բեռլինը ներգրավված է այս ծրագրում որպես դիտորդ։