Ռուսաստանը չի մասնակցելու Սիրիայի նկատմամբ նոր պատժամիջոցների փաթեթի քննարկմանը

Ռուսաստանի արտաքին գործերի նախարարությունը հաղորդագրություն է տարածել առ այն, որ չի մասնակցելու Եվրամիության կողմից Սիրիայի նկատմամբ նոր պատժամիջոցների փաթեթ ընդունելու քննարկմանը։ 

Մոսկվան մասնավորապես համաձայնություն չի տվել ռուսական դրոշի ներքո Սիրիայի ջրերում գտնվող նավերի հարցի վերանայման վերաբերյալ։ 
«Հուլիսի 23–ին ԵՄ–ն Սիրիայի նկատմամբ պատժամիջոցների 17-րդ փաթեթն էր ընդունել։ Այդ կապակցությամբ մենք վերահաստատում ենք մեր սկզբունքային դիրքորոշումը Դամասկոսի նկատմամբ միակողմանի պատժամիջոցներ կիրառելու վերաբերյալ», – հայտարարել է Ռուսաստանի ԱԳՆ–ի ներկայացուցիչ Ալեքսանդր Լուկաշևիչը։

«Այդ գործողությունները խախտում են Սիրիայի ինքնիշխանությունը, պետության ներքին գործերին չխանվելու սկզբունքը, ինչպես նաև ՄԱԿ–ի ԱԽ–ի կողմից Սիրիայում խաղաղության հասնելու ջանքերը», – ասված է հաղորդագրության մեջ։

Հիշեցնենք, որ ՄԱԿ–ի վերջին տվյալներով Սիրիայում կառավարական զորքերի և ընդդիմության ապստամբական խմբերի միջև ավելի քան մեկ ու կես տարի ընթացող բախումներից զոհվել է մոտ 16 հազար մարդ։