Հնդկաստանում գնացքի հրդեհի հետևանքով 25 մարդ է զոհվել

Գնացքում բռնկված հրդեհի հետևանքով Հնդկաստանի հարավում 25 մարդ է զոհվել։ Այս մասին հաղորդել է հնդկական NDTV հեռուստաալիքը։

Կրակը բռնկվել է վաղ առավոտյան ննջավագոններից մեկում։ Նախնական տվյալներով, դա տեղի է ունեցել էլեկտրագծերի կարճ միացման պատճառով։ Գնացքը կանգնեցվել է Նելոր քաղաքի մոտակայքում։

Ինչպես հաղորդել են տեղական իշխանությունները, երկու տասնյակից ավել մարդ այրվածքներ է ստացել։

Բոլոր տուժածները տեղափոխվել են մոտակա հիվանդանոցներ։