Մերիլին Մոնրոն լեսբիական կապի մեջ է եղել Մարլեն Դիթրիխի և Էլիզաբեթ Թեյլորի հետ

Այս շաբաթ ԱՄՆ-ում լույս է տեսել Թոնի Ջերիսի նոր գիրքը «Մերիլին Մոնրո. իմ փոքրիկ գաղտնիքը» վերնագրով: Գիրքը վկայում է այն մասին, որ 60-ականների սեքս խորհրդանիշը լեսբուհի է եղել և նույնասեռական կապեր էունեցել ինչպես աստղերի, այնպես էլ իր երիտասարդ երկրպագուհիների հետ։ Այս մասին հայտնում է NEWSru-ն՝ հղում է կատարելով Radar Online-ին։

Գրքի հեղինակը պնդում է, որ Մերիլին Մոնրոյի սիրուհիների թվում էին այնպիսի հայտնի կանայք, ինչպիսիք էին Ջոան Քրոուֆորդը, Բարբարա Սթենվիքը, Մարլեն Դիտրիխը և Էլիզաբեթ Թեյլորը, ինչպես նաև բազմաթիվ դեռահաս աղջիկներ, որոնք Մերիլինի ֆան-ակումբի անդամներ էին։ Այդ ակումբը ղեկավարող Ջեյն Լոուրենսը պնդում է, որ սիրավեպ է ունեցել դերասանուհու հետ։ Ըստ գրքի հեղինակի, Մոնրոն Լոուրենսի հետ ծանոթացել է, երբ աղջիկն ընդամենը 12 տարեկան էր։ Կարճ ժամանակում Մոնրոն և Լոուրենսը հասցրել են դառնալ մտերիմ ընկերուհիներ. Լոուրենսը հիշում է, որ Մոնրոն նրան ասում էր. «սեքսուալ նախապատվությունները ոչինչ են, սերը սեր է».

Թոնի Ջերիսը հանդիպել է Ջեյն Լոուրենսին 2001 թվականին, և կինը պատմել է նրան կինոաստղի լեսբիական կապերի, ինչպես նաև քայքայիչ սովորությունների մասին։ Մասնավորապես, հայտնի է դարձել, որ Մերիլինը մինչև ընկերուհու գալը տրանկվիլիզատոր նեմբուտալ էր ընդունում շամպայնի հետ միասին, ինչպես նաև այն, որ Լոուրենսի հետ ֆիզիկական մտերմության նախաձեռնողը հենց դերասանուհին է, ինչն ի վերջո վերաճել է ավելի քան 10 տարի տևած չափազանց մտերմիկ հարաբերությունների։