Ապստամբները գրավել են Հալեպի ռազմավարական անցակետերից մեկը

Սիրիայի ընդդիմության զինյալները երկուշաբթի օրը գրավել են Հալեպ քաղաքից դեպի հյուսիս-արևմուտք գտնվող ռազմավարական առումով կարևոր անցակետերից մեկը, հաղորդում է Agence France-Presse-ը։

«Հալեպից հինգ մղոն (ութ կիլոմետր) հեռավարության վրա գտնվող Անադան անցակետը գրավվել է այսօր ժամը 05.00-ին (տեղական ժամանակով ժամը 06։00-ին) 10 ժամ տևած մարտի արդյունքում»,- գործակալությանը հայտնել է ապստամբների բանակի առաջնորդներից մեկը՝ գեներալ Աբդել Նասերը։ Ըստ նրա, այս անցակետի գրավումը թույլ կտա ապստամբներին վերահսկել Հալեպից դեպի Թուրքիայի սահման տանող ճանապարը։

Հիշեցնենք, որ այսօր առավոտյան Հալեպում կառավարական զորքերն ամբողջությամբ մաքրել են Սալահ էդ-Դին թաղամասը, փոխանցում է SANA գործակալությունը։ Ըստ պաշտոնական աղբյուրների, զինյալները, որոնց թվում են նաև արաբական և այլ երկրների քաղաքացիներ, զգալի կորուստներ են կրել։ Ոչնչացված զինյալների թվում են նաև խմբավորումների առաջնորդներ։ Քաղաքի մյուս հատվածներում՝ Բաբ ալ-Հադիդի, Բուստան ալ-Զահրայի թաղամասերում և Ալ-Բարքում արվարձանում մարտերը շարունակվում են։