Ովքե՞ր են 2019-ին դրամաշնորհ ստացել «Սորոսի» հիմնադրամից

Վերլուծական 28 Սեպտեմբեր, 2019 20:00

Սորոսը գործուն աջակցություն է ցուցաբերում Հայաստանի քաղաքացիական հասարակությանը։ Այս մասին, սկսած հեղափոխական շրջանից, պարբերաբար հրապարակումներ են լինում. մամուլն է անդրադառնում, անգամ վերջերս ռուսական ֆեդերալ հեռուստաընկերություններն են ռեպորտաժներ և թոք շոուներ անում՝ բարձրաձայնելով խնդիրը։ Անդրադառնանք նրան, թե 2019 թվականի ընթացքում որ ՀԿ-ն և անհատները ուշադրության արժանացան Սորոսի հիմնադրամի կողմից:

Ինչպես տեղեկանում ենք «Բաց հասարակություն» հիմնադրամի պաշտոնական կայքից, որը հայտնի է նաև «Սորոսի հիմնադրամ» անվամբ, 2019 թվականի համար տրվել են հետևյալ դրամաշնորհները: Առաջինը տրված է «Իրավունքների պաշտպանություն առանց սահմանների» ՀԿ-ին՝ Հասմիկ Հարությունյանին, 10 000 ԱՄՆ դոլարի չափով: Երկրորդ դրամաշնորհը՝ 130 000 դոլարի չափով, տրվել է Հելսինկյան քաղաքացիական ասամբլեայի Վանաձորի գրասենյակին (նախագահ Արթուր Սաքունց): Ծրագրի նպատակն է նպաստել խոցելի խմբերին մարդու իրավունքների արդյունավետ պաշտպանությանը` բարելավելով քաղաքացիական վերահսկողության մեխանիզմները` կանխելու ապագա խախտումները և չարաշահումները և հասարակության իրազեկվածությունը մարդու իրավունքների արժեքների և խաղաղության հիմնախնդիրների վերաբերյալ:

30,420 ԱՄՆ դոլարի համարժեք դրամաշնորհի է արժանացել նաև Գլոբալիզացիայի և տարածաշրջանային համագործակցության վերլուծական կենտրոնը: Ծրագրի նպատակն է ապահովել վիզաների դյուրացման և ռեադմիսիայի վերաբերյալ ԵՄ-Հայաստան համաձայնագրերի իրագործումը:

139,966 ԱՄՆ դոլարի համարժեք դրամաշնոր է ստացել նաև հետաքննող լրագրողներ ՀԿ-ն: Ծրագիրը նպատակ ունի մասշտաբային լրագրողական հետաքննություններ անցկացնել՝ ուղղված երկրում հակակոռուպցիոն ջանքերին աջակցելուն, ապահովել պետական վերահսկողություն պետական միջոցների թափանցիկ և հաշվետու կառավարման նկատմամբ:

Հանրային լրագրության ակումբը 2019-ին ստացել է 60.000 դոլարի համարժեք դրամաշնորհ: Դրամաշնորհի նպատակն է աջակցել Մեդիա կենտրոնում քաղաքացիական հասարակության համար բաց քննարկումների և երկխոսության հարթակին:

Հանուն հավասար իրավունքների ՀԿ-ն հիմադրամից ստացել է 25,000 ԱՄՆ դոլարի համարժեք դրամաշնորհ: Ծրագիրը նպատակ ունի օժանդակել լրագրողական ցանցերին, տեղական անկախ հետաքննությունների անցկացմանը և լուսաբանմանը` լրագրողների և խմբագիրների համար սեմինար կազմակերպելով և մարզային այցեր կազմակերպելով:

Իրական Աշխարհ, Իրական Մարդիկ ՀԿ-ն ստացել է 10,000 դոլար:Ծրագրի նպատակն է ապահովել հիվանդության տերմինալ փուլում ցավազրկող միջոցների հասանելիությունը հիվանդների համար:

Հայկական ուսումնասիրությունների ԱՆԻ հիմնադրամը ստացել է 10.000 դոլար: Ծրագիրը նպատակ ունի հրապարակայնորեն քննարկել Հայաստանի ժամանակակից պատմության անհայտ դրվագները` կազմակերպելով 12 հասարակական դասախոսություններ և հրապարակելով արխիվային փաստաթղթերը, որոնք լույս են սփռում կոնկրետ պատմական իրադարձությունների վրա:

Մանդատ ՀԿ-ն ստացել է 86, 000 դոլար, իսկ ծրագիրը նպատակ ունի դիտարկել խորհրդարանի օրենսդրական գործունեությունը, դրա վերահսկողական գործառույթի իրականացումը, խորհրդարանական խմբակցությունների և պառլամենտի անդամների (ԱԺ պատգամավոր) գործունեությունը 2018-ի աշնանը և 2019-ի գարնանային նստաշրջաններում:

Բուն մշակութային-գիտական հիմնադրամը ստացել է 25,500 դոլար: Ծրագրի նպատակն է Ծրագրի նպատակը երկկողմանի է. ա) նպաստել միգրացիայի նկատմամբ հանդուրժող հասարակական դիսկուրսի զարգացմանը` մոբիլիզացնելով միգրացիոն քաղաքականություն մշակելու փորձագիտական կարողությունները` հիմնվելով հանդուրժողականության և իրավունքների հարգանքի սկզբունքների վրա: բ) աշխուժացնել քննարկումները, որոնք անհրաժեշտ են երկրում ժողովրդավարական վերափոխումների համար՝ տարբեր հարցերի շուրջ բաց քննարկումներ անցկացնելով և դրանց վերաբերյալ քննադատական մտածողության և հիմնախնդիրների լուծման մոտեցումների խթանմամբ:

«Ամբրա» հոգեկան բարեկեցության կենտրոն ՀԿ.-ն ստացել է 58,500 դոլար: Ծրագիրը նպատակ ունի օժանդակել Հայաստանում հոգեկան առողջության ծառայությունների ապակենտրոնացմանը: Այդ նպատակով նախագիծը կկատարի հոգեբուժական և խնամքի հաստատություններում բնակվող հիվանդների կարիքների գնահատում, կմշակի հոգեկան առողջության այլընտրանքային ծառայություններին վերաբերող ուղեցույցի առաջարկներ:

Իրազեկ քաղաքացիների միավորում ՀԿ-ն 2019-ին ստացել է 137,500 դոլար, իսկ ծրագրի նպատակն է նպաստել հետհեղափոխական Հայաստանում իրազեկ հասարակական կարծիքի ձևավորմանը:

Ֆակտոր տեղեկատվական կենտրոնը ստացել է 94,317 դոլար: Ծրագրի շրջանակներում Factor.am-ը կկատարի լրագրողական հետաքննություններ` հասարակական հետաքրքրություն ներկայացնող թեմաների, կոռուպցիայի վերաբերյալ խորը պատկերացումներ ապահովելու նպատակով: