Ներուժը պետք ճիշտ օգտագործել. Արա Աբրահամյանի խոսքը՝ Եվրասիական գործընկերության միջազգային համաժողովին

Եվրասիական գործընկերության միջազգային համաժողովն այս տարի տեղի ունեցավ «Եվրասիական աշխարհամասի տարանցիկ ներուժը» միջազգային համաժողովի ընթացքում: Մասնակցեցին ԵԱՏՄ երկրների, Եվրոպայի, ԱՄՆ և Կանադայի կառավարությունների և գործարար համայնքների ներկայացուցիչներ:

Բացման խոսքով հանդես եկավ «Եվրասիական գործընկերության միջազգային համաժողով» հ/կ նախագահ, Ռուսաստանի հայերի միության նախագահ Արա Աբրահամյանը: Բացման խոսքում նա նշեց, որ այս տարիների ընթացքում լուրջ և խոշոր նախագծեր են իրականացվել: «ԵԱՏՄ պետությունները տարբեր են, տարբեր աշխարհագրական դիրքերում են, ունեն տարբեր առավելություններ: Այդ պետությունները կարող են զարգանալ, ունեն լուրջ ներուժ: Հենց այդ ներուժն է պետք ճիշտ օգտագործել»,- նշեց Աբրահամյանը:

ՌԴ նախագահի խորհրդական Ս. Գլազևը նշեց, որ առևտրային համատեղ շուկայի ձևավորումն ու գրանված արդյունքները պահպանելը ամենակարևորն է: «Հայաստանում գործում է 30 հայ-ռուսական համատեղ ընկերություն, որոնք շատ լուրջ ու խոշոր ընկերություններ են: Իսկ մենք բոլորս գիտենք, որ ներդրումներն ամենակարևորն են»: Ելույթների ընթացքում մասնակիցներից յուրաքանչյուրն էլ նշեց, որ պետք է կարողանալ օգտագործել ներուժը, որը կա, բարձրաձայնել առկա մարտահրավերները ու բացթողումները և խնդիրներից յուրաքանչյուրի համար գտնել լուծումներ :