Հալեպում ապստամբները շարունակում են դիմադրություն ցույց տալ Ասադի զորքերին

Սիրիայում ապստամբների շարունակել են դիմադրություն ցույց տալ Ասադի բանակին երկրի խոշորագույն քաղաքում՝ Հալեպում, որտեղ լայնածավալ ռազմական գործողությունը շարունակվում են արդեն չորրորդ օրը:

Բոլոր տեղական հիվանդանոցները գերծանրաբեռնված են, քաղաքը շարունակում են լքել հազարավոր քաղաքացիներ։ Սիրիական փախստականների հսկայական քանակություն ապաստանել է Թուրքիայում: Նշենք, որ Թուրքիայի վարչապետ Ռեջեփ Թայիփ Էրդողանը երկուշաբթի օրը ԱՄՆ նախագահ Բարաք Օբամայի հետ հեռախոսով քննարկել է հակամարտության կարգավորման հեռանկարները։ Կողմերը պայմանավորվել են ակտիվացնել ջանքերը Սիրիայում քաղաքական փոփոխությունների այդ թվում՝ ներկա նախագահ Բաշար ալ-Ասադի հրաժարականին հասնելու համար։

Ելույթ ունենալով Նյու Յորքում՝ ՄԱԿ-ի Գլխավոր քարտուղար Պան Կի Մունը կրկնել է, որ նա խիստ մտահոգված է ռազմական գործողությունների ընթացքում բնակավայրերում Սիրիայի կառավարական ուժերի կողմից ծանր զենքի կիրառմամբ։

Հիշեցնենք, որ երկուշաբթի օրը ալ-Ասադին աջակցելուց հրաժարվելու մասին հայտարարել է ևս մեկ սիրիացի բարձրաստիճան պաշտոնյա՝ Լոնդոնում Դամասկոսի հարցերով ժամանակավոր հավատարմատար Հալեդ Այուբին: Նա նշեց, որ կայացրել է իր որոշումը՝ ընդդեմ Սիրիայում անմարդկային և բռնապետական ռեժիմի։