«Հայոց աշխարհ». Այս տարին երկու երկրների համար աննախադեպ էր

Թերթը գրում է. «Վրաստանի նախագահ Միխեիլ Սահակաշվիլու հրավերով նախագահ Սերժ Սարգսյանը երեկ երկօրյա այցով ժամանել է Թբիլիսի:

Վրաստանի նախագահի նստավայրում Հայաստանի նախագահի դիմավորման պաշտոնական արարողությունից հետո տեղի է ունեցել Սերժ Սարգսյանի և Միխեիլ Սահակաշվիլու առանձնազրույցը, որին հաջորդել են երկու երկրների պատվիրակությունների մասնակցությամբ ընդլայնված կազմով բանակցությունները: Հանդիպման ավարտին ստորագրվել են մի շարք ոլորտներում երկկողմ համագործակցության զարգացմանն ուղղված փաստաթղթեր:

Հանդիպումների արդյունքներն ամփոփվել են Հայաստանի և Վրաստանի նախագահների համատեղ մամուլի ասուլիսում»: