«Երկիր». 2010-ին յուրաքանչյուրս շնչել ենք 30 կգ վնասակար նյութ

«ՀՀ-ում մեկ բնակչի հաշվով արտանետումները կազմել են 30 կգ, 1 ք.կմ-ի հաշվով (առանց Սևանա լճի հայելու մակերեսի)՝ 3,4 տ: Մթնոլորտ արտանետված վնասակար նյութերի 26,7 հազ. տ կազմել է ծծմբային անհիդրիդը, 2,3 հազ. տ՝ ածխածնի օքսիդը, 1000 տ՝ ազոտի օքսիդը: Ծանր մետաղների գումարային քանակը մթնոլորտային արտանետումներում կազմել է 29,9 տ: Մթնոլորտ արտանետված փոշու քանակը կազմել է 3445,2 տ, որից 482,3 տ բաժին է ընկել օգտակար փոշուն:

Հայաստանում շահագործվող ավտոտրանսպորտից մթնոլորտ արտանետված վնասակար նյութերի մեջ ածխածնի օքսիդի տեսակարար կշիռը 72,8 տոկոս է: Իսկ ավտոտրանսպորտից մթնոլորտ արտանետված ջերմոցային գազերի մեջ մեծ է ածխածնի երկօքսիդի, մեթանի և ազոտի ենթօքսիդի քանակը»,- գրում է թերթը։