Հալեպի փողոցներում փոխհրաձգություն է սկսվել ապստամբների և կառավարական զորքերի միջև

Սիրիայի hյուսիսային մայրաքաղաք Հալեպում և նրա շրջակայքում ապստամբների և կառավարական զորքերի մարտերը չեն դադարում։ Ուժեղ փոխհրաձգություն է ընթանում չի դադարում Ալ-Մեյսար, Շեյխ-Նաջար փողոցների վրա, ինչպես նաև համալսարանական քաղաքի և Բաբ ալ-Հադիդ հրապարակի շրջակայքում։

Ուղղաթիռները թռչում են Ֆիրդուս, Անջար և Մաշհադ թաղամասերի վրայով, փոխանցում է Orinet-TV-ին։ Օդաչուները շրջել են նաև Հալեպի հարավ-արևելյան արվարձաններում, սակայն օդային հարձակումների մասին ոչինչ չի հաղորդվում։ Նշենք, որ վերջին օրերի ընթացքում Հալեպում և նրա շրջակայքում զոհվել է 123 մարդ: Քաղաքը լքել է 200,000 բնակիչ։

Սիրիայի այսպես կոչված «Ազատ բանակի» (SSA) ներկայացուցիչ Աբու Ֆիրասը հայտնել է, որ «ապստամբները» փորձում են արգելափակել դեպի Հալեպ տանող հարավային ճանապարհերը, որպեսզի կտրեն կառավարական ուժերի մատակարարման հիմնական երակները։ Նա պնդում է, որ զինյալներին հաջողվել է վերահսկողություն հաստատել քաղաքի 60 տոկոսի վրա։

SANA գործակալությունը ներկայացնում է իրադարձությունների այլ պատկեր. նշվում է, որ, որ Ասադի զորքերը շարունակում են հետամուտ լինել Հալեպում ահաբեկիչների խմբերի հետապնդմանը և ոչնչացմանը։ Ըստ գործակալության, Ջամիլ կենտրոնական թաղամասում հատուկ օպերացիայի ընթացքում սպանվել է 11 ահաբեկիչ, իսկ Սալադալահ ալ-Ջաբիրի հրապարակում ոչնչացվել է ևս 6 զինյալ։