«Առավոտ». Բալասանյանն այն կարգի հարուստ է, ինչ՝ Վարդանիկ Ղուկասյանը

Քաղաքագետ Լևոն Շիրինյանը «Առավոտ»-ի հետ զրույցում համոզված է, որ Գյումրիում քաղաքապետի առաջիկա ընտրություններում հաղթելու է ԲՀԿ թեկնածու Սամվել Բալասանյանը: «Նա այն կարգի մեծահարուստ է, ինչ կարգի՝ Վարդանիկ Ղուկասյանը: Ճիշտ է, նա կուսակցությունը փոխել է՝ «Օրինաց երկրից» գնացել է «Բարգավաճ Հայաստան» կուսակցություն, բայց անձի վերաբերյալ սկանդալային բաներ չեմ լսել։ Գործարար է ու հարգանք ունի իր տեղում, բայց մի բան կա. եթե հարգանք էլ չունի, Ղուկասյան Վարդանն ընդհանրապես չունի: Ինձ թվում է՝ նա գյումրեցիների ներվերն է փորձում այս 20 տարի է՝ անընդհատ մի սկանդալից մի սկանդալ»:

ԲՀԿ թեկնածուին սատարելու ՀՀԿ-ի որոշումը, քաղաքագետի գնահատմամբ, փոխզիջման նշան է, «Կոմպրոմիսի են գնում՝ չնեղացնելու իմաստով: Եվ երկրորդ՝ Շիրակի գոտում այս ընտրություններին «Բարգացվաճ Հայաստանը» նիշը շատ բարձր խփեց, կարողացավ տանել՝ իր բարեգործությամբ, տրակտորներ, բաներ... և այստեղ Հանրապետականը երկրորդ հայրաքաղաքի հարցով ճիշտ է վարվում, Հայաստանը պայթյունավտանգ վիճակում է, սոցիալ-տնտեսական իրականության մեջ՝ անարդարություններ, չուզեցին սրել, մեկին նորից դնեն, երևի տեղացի հարմար թեկնածու չունեն: Դե, Վարդանիկին էդքան պահեցին, եթե Հանրապետականը կազմակերպված ուժ լիներ և շատ մտածող հայրենիքի հարցով, բիզնեսը մենակ չէ, վաղուց նրան շպրտած կլիներ, հերիք չե՞ն այդ սկանդալները, որ մենք լսում ենք, կամ էլ թող հերքումներ տան, որ իր մասին խոսակցությունները սուտ են»:

Քաղաքագետի կարծիքով՝ ՀՀԿ-ն Վարդան Ղուկասյանից նաև մի քիչ նեղացած է. « Հանձնարարություն են տվել, արել է, լրիվ չի կարողացել անել, բայց պետք է մտածեին, որ այդ մարդն իր կերպարով ո՞նց կարող է այդքան բան անել, այսինքն՝ մի մասը ապահովել, մի մասը կեղծել, կեղծելու մասն արել է երևի, բայց բարոյական իմաստով ո՞նց կարող է իր ընտանիքով, գերդաստանով անել»: Իսկ ընտրություններում Վարդան Ղուկասյանին սատարելու ՕԵԿ-ի որոշումը քաղաքագետին հումոր է թվացել, «Ձեռ են առնում, որովհետև «Օրինաց երկիրը» կա թե չկա, այլևս դատարկ է.. քաղաքական մասով նա այլևս ոչինչ է, նա դադարել է լինելուց»: