«Սողանքն Աստծո կամքի բան է». Արմեն Երիցյան

Վերջին շրջանի ամենաաղետալի դեպքը Տավուշում եղած սողանքը խլեց հինգ մարդու կյանք: Այս հարցում թերևս բոլորը փորձում են գտնել մեղավորներ, սակայն ԱԻ նախարար Արմեն Երիցյանը lurer.com-ի թղթակցի հետ զրույցում նշեց, որ «սողանքը մի այնպիսի բան է, որ եթե մի քիչ ավելի խորը ուսումնասիրենք, դա Աստծո կամքի բան է, որովհետև այնտեղ ճեղքեր կան, որոնք հազարավոր տարիներ եղել են: Հիմա շատերը մարդ են ման գաիս, որ մեղադրեն, պետք չէ փնտրել ինչ որ մեղավորների: Երկրի 15%-ը սողանքային է»: 

Այմ սողանքի գոտում աշխատում են 180 փրկարար, այսօր առավոտյան արդեն գտնվել է անհայտ կորածներից երրորդը: Արմեն Երիցյանը առանձնակի հպարտությամբ խոսեց բոլոր փրկարարների մասին, իր խոսքում նշելով.-Ես հպարտ եմ, որ իմ կողքին կան նման տղաներ: Պետք է տեղում տեսնել իրենց աշխատանքը:Յուրաքանչյուր օր 15-30սմ սողանքը իջնում է և տղաները իրենք ամեն ինչ անում են, որ մարդկանց կարողանան գտնել: Ես ել գրեթե միշտ լինում եմ աղետի վայրում,որպեսզի նրանք տեսնեն, որ իրենց նախարարը իրենց կողքին է-ասում է Արմեն Երիցյանը:

Հիշեցնենք, որ հոկտեմբերի 2-ին Տավուշի մարզում տեղի էր ունեցել խոշոր սողանք, որն իր մեծությամբ երկրորդն է Հայաստանում վերջին 100տարվա ընթացքում առաջին նման մեծության սողանքը եղել է 2007-ին Խոսրովի անտառում: Երեկ փրկարարաները հողազանգվածից դուրս էին բերել անհայտ կորածների ցուցակում նշվող Երևանի բնակիչներ, Սորսումատյան եղբայրների՝ Մերսեդես C220 մակնիշի 27 OU 939 պետհամարանիշով սև մարդատար ավտոմեքենան, որում հայտնաբերվել էր երկու դի: Իսկ այսօր ժամը 9:30-ի սահմաններում, փրկարարները հողազանգվածից դուրս էին բերել դի, որի ինքնությունը պարզվել է. ով անհայտ կորածների ցուցակում նշվող Լճկաձոր գյուղի բնակիչ, 72-ամյա Նորիկ Միկողոսյանի դին է եղել: