2011-ը հաջողակ էր ահաբեկչության դեմ պայքարի առումով. ԱՄՆ Պետդեպարտամենտ

ԱՄՆ-ը համարում է, որ 2011 թ. «բեկումնային էր» ահաբեկչության դեմ գլոբալ պայքարի առումով, և նշում, որ անցյալ տարի 2005 թ-ից սկսած աշխարհում տեղի են ունեցել նվազագույն թվով ահաբեկչական հարձակումներ։

Այս մասին նշվում է ԱՄՆ Պետդեպարտամենտի՝ ահաբեկչության խնդիրներին վերաբերող զեկույցում։ Որպես այս ոլորտում կարևորագույն իրադարձություն, նշվում է «Ալ-Քաիդայի» առաջնորդ Ուսամա բին Լադենի մահը 2011 թ. մայիսին։

Միևնույն ժամանակ փորձագետները նշում է ծայրահեղականների ակտիվացումը այնպիսի անկայուն երկրներում, ինչպիսիք են Լիբիան, Նիգերիան և Մալին։ Պետդեպարտամենը որպես ահաբեկչության առաջատար հովանավոր նշում է Իրանը, և հայտնում իր առանձնակի մտահոգությունը Պակիստանում դիրքավորված այսպես կոչված «Հաքանի ցանցի» գործունեությամբ։

Ըստ զեկույցի, աշխարհում 2011 թ. տեղի է ունեցել ահաբեկչության հետ կապված ավելի քան 10,000 միջադեպ, որոնց հետևանքով զոհվել է մոտ 12 ու կես հազար մարդ: