Քեյթ Միդլթոնը և արքայազն Հարրին ամենանորաձև հագնվող մարդիկ են աշխարհում (ֆոտոշարք)

Բրիտանական արքայազնի կինը՝ դքսուհի Քեյթ Միդլթոնը, և արքայազնի եղբայր Հարրին. ըստ GQ ամսագրի, «ամենալավ հագնվող մարդիկ են» աշխարհում։ Այս մասին հայնել է աշխարհիի տարբեր երկրներում լույս տեսնող GQ ամսագրի խմբագրությունը։ Նշենք, որ  Քեյթի նկարը կհայտնվի ամսագրի նոյեմբերյան համարի շապիկին։

Նորաձևության աշխարհի փորձագետները համարում են Քեյթին  նորաձև միտումների թելադրող։ Ըստ նրանց, Քեյթի զգեստապահարանում մեկտեղված են և առաջատար կուտյուրյեների հագուստներ, և սովորական խանութներից ձեռք բերված ոչ թանկարժեք իրեր։ Ամսագիրը նշում է նաև, որ Քեյթի սիրած դիզայներական ապրանքանիշերից են Alice Temperley-ը և Alexander McQueen-ը։

GQ-ի լրագրողներին հաջողվել է իմանալ, որ Քեյթի սկեսրայրը ծախսել է 55 հազար դոլար հարսի ընտրած դիզայներական հագուստի վրա։ Մինչդեռ, ըստ ամսագրի, Քեյթը հրաժարվել է արքայական ընտանիքի ստիլիստների ծառայություններից և գերադասում է ընտրել իր հագուստները ինքնուրույն։

Իսկ Քեյթի ամուսինը չի ընդգրկվել ամենանորաձև հագնվող տղամարդկանց վարկանշային ցուցակում, ի տարբերություն իր եղբոր՝ Հարրիի, որը գլխավորել է այս ցանկը: