Սիրիայում իշխանափոխություն միանշանակ կլինի. արաբագետ

Այսօրվա ասուլիսին արաբագետ Սարգիս Գրիգորյանը, անդրադառնալով Սիրիայում պատերազմական գործողություններին, հայտնեց, որ բավականին լայնամասշտաբ գործողություններ են ծավալվել Դամասկոսում և Հալեպում, որտեղ ընդդիմադիրները, որոշակի կորուստներ կրելով, շարժվել են դեպի հյուսիս։

Զինյալները կենտրոնացած են Հալեպի հարավ-արևմտյան մասում, սակայն այս պահին կշեռքի նժարը կառավարական ուժերի կողմն է։ Իսկ Հալեպում ծավալված գործողությունների հետևանքների մասին արաբագետը ասաց. «Հալեպում, եթե հաջողվի կառավարական ուժերին հաջողության հասնել, ապա դա միայն կերակարաձգի պատերազմական գործողությունները։ Վերջիվերջո, Ասադը պետք է հրաժարական տա և միանշանակ պետք է իշխանափոխություն լինի։

Բանախոսը դժվարացավ պատասխանել այն հարցին, թե Ասադի հրաժարականից հետո ով կարող է անցնել իշխանության գլուխ և ասաց. «ընդդիմադիրները ներքին հակասություններ ունեն և չկան իշխանության գլուխ եկող հստակ ֆիգուրներ։

Ըստ էության, հայկական թաղամասերում կրակոցներ չկան և ներքին խուճապ դեռևս չի նկատվում, սակայն իսլամիստ ծայրահեղականների իշխանության գլուխ անցնելն իր բացասական ազդեցությունը կունենա հայ համայնքի վրա,– նշեց արաբագետը։

Բանախոսը կարծում է, որ Հայաստանի դեսպանության խորհրդականի հրաժարականը որևէ կերպ վատ անդրադարձ չի ունենա սիրիահայերի վրա։