Ալմազբեկ Աթամբաեւի կալանքը երկարաձգվել է
Արտաքին Քաղաքական
Ղրղզստանի մայրաղաքաք Բիշքեկի Պերվոմայսկի շրջանի դատարանը երկրի նախկին նախագահ Ալմազբեկ Աթամբաեւի կալանքը երկարաձգել է մինչեւ դեկտեմբերի 26-ը: Այդ մասին հոկտեմբերի 25-ին ՏԱՍՍ-ին հայտնել է Աթամբաեւի փաստաբան Սերգեյ Սլեսարյովը:
«Կալանքի տակ պահելու տեսքով խափանման միջոցն Աթամբաեւի նկատմամբ երկարացվել է դատաքննության անցկացման ընթացքում, որն օրենքով շարունակվում է երկու ամիս»,-ասել է իրավաբանը: Նրա խոսքով՝ ավելի վաղ Աթամբաեւի նկատմամբ կալանքը որպես խափանման միջոց էր ընտրվել մինչեւ 2019 թվականի հոկտեմբերի 26-ը: «Այսպիսով՝ նախկին նախագահը կալանքի տակ կմնա մինչեւ այս տարվա դեկտեմբերի 26-ը»,-նշել է Սլեսարյովը:
Աթամբաեւը, որը Ղրղզստանը ղեկավարել է 2011-2017 թվականներին, օգոստոսի 8-ին հատուկ իրականացված գործողության ընթացքում ձերբակալվել է Չույսկի մարզի Կոյ-Տաշ գյուղի իր նստավայրում:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
