Բողոքի ակցիա Ոստիկանության շենքի դիմաց. չե՛ք կոծկելու

«Պահանջում ենք պատժել Հարսնաքարի միջադեպի բոլոր մեղավորներին» քաղաքացիական նախաձեռնությունը հանդես է եկել հայտարարությամբ.

Վաղը՝ օգոստոսի 2-ին ժամը 17:30-ին, Ոստիկանության շենքի դիմաց տեղի կունենա բողոքի ակցիա՝ հետեւյալ պահանջով. «Հանրային մեծ հնչեղություն ունեցող Հարսնաքարի գործով Վահե Ավետյանի իրավահաջորդի փաստաբանների արդյունավետ քննություն ապահովելու պահանջի նման անտեսումն անհամատեղելի է ոստիկանության բարձր մակարդակով բազմիցս հնչեցված՝ գործի հրապարակային քննություն ապահովելու հավաստիացումների հետ:

Որպես առաջին քայլ՝ պահանջում ենք անհապաղ փաստաբաններին տրամադրել սույն գործով բոլոր փաստաթղթերն ու նյութերը»։