«Պետական պատվերով և պետական աջակցությամբ հրատարակված գրականություն» կայքի ստեղծման մրցույթ

ՀՀ մշակույթի նախարարության «Գրքի և հրատարակչական գործի կենտրոն» ՊՈԱԿ-ը հայտարարում է «Պետական պատվերով և պետական աջակցությամբ հրատարակված գրականություն» կայքի ստեղծման մրցույթ, որի նպատակն է հանրությանը հասանելի դարձնել պետական պատվերով և պետական աջակցությամբ հրատարակված գրքերը՝ դրանց վերաբերյալ անհրաժեշտ տեղակատվությունը տարածելու, ինչպես նաև գրքերն առցանց (online) ձեռք բերելու միջոցով:

«Պետական պատվերով և պետական աջակցությամբ հրատարակված գրականություն» կայքի տեխնիկական առաջադրանք (բնութագիր).
1. Կայքում գրքերը պետք է ներկայացնել ըստ ուղղվածությունների, այդ թվում՝
- մանկական,
- գեղարվեստական,
- հանրագիտարանային,
- գիտահանրամատչելի,
- ազգային փոքրամասնությունների,
- երաժշտական,
- Հայոց ցեղասպանությանը նվիրված գրականություն,
- էլեկտրոնային կրիչներով հրատարակություններ:

2. Կայքում տեղադրվող գրքի վերաբերյալ տեղեկատվությունը պետք է ներառի.
- կազմի պատկերը,
- հակիրճ նկարագրությունը (անոտացիա),
- հեղինակը, կազմողը, թարգմանիչը,
- անվանումը (վերնագիրը),
- հրատարակիչը,
- տարեթիվը,
- հրատարակման վայրը,
- լեզուն,
- ժանրը,
- էջերի քանակը,
- կազմի տեսակը,
- չափսերը,
- ISBN-ը
- գինը:

3. Կայքը պետք է լինի եռալեզու (հայերեն, ռուսերեն, անգլերեն) և գրքի վերաբերյալ ողջ տեղեկատվությունը հարկավոր է տեղադրել բոլոր երեք լեզուներով:
4. Կայքում հրատարակության փնտրումը պետք է կատարվի ըստ հետևյալ կետերի՝
- հեղինակը, կազմողը, թարգմանիչը,
- անվանումը (վերնագիրը),
- հրատարակիչը,
- տարեթիվը,
- լեզուն,
- ժանրը,
- ISBN-ը:

5. Կայքը պետք է ունենա առցանց (online) վաճառքի հնարավորություն, ինչպես ARCA, այնպես էլ միջազգային վճարման համակարգերով (VISA, MASTERCARD և այլն):

Կայքի ստեղծման առաջարկ-նախագծերը և նախահաշիվները ընդունվում են մինչև 2012 թ. հոկտեմբերի 1-ը:

Հայտերը ներկայացնել հետևյալ հասցեով. ք. Երևան, Իսահակյան 28, «Գրքի և հրատարակչական գործի կենտրոն» ՊՈԱԿ, հեռախոս՝ 25-44-49: