Արսեն Հարությունյանը հաղթեց իրանցի ըմբիշին և դուրս եկավ կիսաեզրափակիչ. Ըմբշամարտի Մ23 ԱԱ

Բուխարեստում ընթացող ազատ ոճի ըմբշամարտի Մ23 տարեկանների աշխարհի առաջնությունում հաջող է հանդես գալիս Եվրոպայի չեմպիոն, 61 կգ քաշային Արսեն Հարությունյանը:

Արսենը 1/8 եզրափակչում 10-5 հաշվով հաղթել էր մոնղոլ ըմբիշ Չինզորիգ Ցերմաային, իսկ 1/4 եզրափակչում 13-6 հաշվով առավելության է հասել իրանցի ըմբիշ Մոհամմադբահեր Էսմայիլ Յախեշիի նկատմամբ: Այսպիսով՝ Արսենը դուրս է եկել կիսաեզրափակիչ, որտեղ կմրցի հնդիկ ըմբիշ Ռավինդերի հետ: