Իսկ դուք 044 205 205 հեռախոսահամարից զանգ ստացե՞լ եք

Հայաստան 30 Հոկտեմբեր, 2019 12:44

Հոկտեմբերի 26-ին շուրջ 1000 հեռախոսահամարի գիշերը՝ ժամը 12:30-ին, զանգ է ստացվել, ընդ որում, հեռախոսակապի այն կողմից ասվում էր՝ «Քնա՞ծ ես, դե լավ, դու քնիր, իսկ ես կաշխատեմ քո փոխարեն»:

Պարզվեց, որ հայաստանյան շուկայի համար այս աննախադեպ միջոցով, Sarajyan trainings-ը ազդարարում էր «Բիզնեսն ու ես» ներկայացման ֆորմատով թրեյնինգի մասին։ Միջոցառումը ևս աննախադեպ է, միակն իր տեսակի մեջ ոչ միայն Հայաստանում, այլ նաև ՌԴ-ում՝ թրեյնինգ ներկայացման ֆորմատով։ Սա յուրահատուկ ֆորմատ է, որտեղ թրեյնինգի հիմնական ասելիքները հավաքել և դասավորել են մեկ պատմության մեջ։

Սյուժեն հետևյալն է՝ Բիզնեսը մարդու կերպարանք ստացած գալիս է գործարարին հյուր, երբ նա քնած է։ Ներկայացման հիմնական գործողությունները սկսվում են զանգով ստացված հաղորդագրության նույն բառերով՝ «Քնա՞ծ ես, դե լավ քնի՛ր, իսկ ես կաշխատեմ քո փոխարեն։

Ներկայացման ընթացքում բայացահայտվում են գործարարի և բիզնեսի փոխհարաբերությունները։ Կատարվում են բազմաթիվ բացահայտումներ, թե ինչու բինզեսը չի տալիս այն արդյունքը, ինչը նրանից ակնկալում են գործարարները։ Այստեղ նաև հստակ կտեսնեք և կզգաք բիզնեսում կատարած սխալները, դրանցից բխող էմոցիաները և պատճառահետևանքային կապը։

«Բիզնեսն ու ես» ներկայացման ֆորմատով թրեյնինգը օգտակար կլինի հմուտ գործարարներին, սկսնակներին և բոլոր նրանց համար, ովքեր ցանկանում են կողքից տեսնել, թե ինչ է կատարվում բիզնեսի ներսում, հասկանալ, թե ինչ խոչընդոտների առաջ կարող է կանգնել գործարարը և ինչ լուծումներ կարող են լինել բիզնեսում հիմնական խնդիրների համար։ Իսկ հմուտ գործարարների համար միջոցառումը կլինի հիշեցնող, մոտիվացնող և թույլ կտա նոր տեսանկյունից դիտել այն բոլոր հարցերին, որոնք նրանք լուծում են առօրեա բիզնեսի կյանքում։

Բիզնես ներկայացման ողջ ընթացքում խոսում է միայն բիզնեսը և մանրամասն ներկայացնում իր պահանջներն ու զգացմունքները գործարարի հանդեպ։