Սիրիական ընդդիմության գրոհայինները դաժանաբար գնդակահարել են գերիներին (տեսանյութ)

Ինտերնետում հայտնվել է տեսանյութ, որում Սիրիական ընդդիմության գրոհայինները, մարդկանց կանգնեցնելով պատի տակ, Կալաշնիկով ինքնաձիգներով գնդակահարում են։

Գնդակահարվածներից մեկի անձը պարզվել է։ Նա Բաշար Ասադի վարչախմբին հավատարիմ զինված կլաններից մեկի ղեկավարն է։

«Մարդու իրավունքների սիրիական դիտարան» իրավապաշտպանական կազմակերպությունը, որի շտաբ-բնակարանը գտնվում է Մեծ Բրիտանիայում, դատապարտել է գերիների գնդակահարությունը՝ որակելով որպես հանցագործություն:

Human Rights Watch միջազգային իրավապաշտպան կազմակերպության ներկայացուցիչը BBC-ի հետ հարցազրույցում գերիների գնդակահարությունը որակել է որպես ռազմական հանցագործություն։