Ամենա «սորոսականացված» նախարարության «ձեռքբերումները»
Վերլուծական
Հայաստանյան նախարարությունները մոտենում են մի շրջանի, երբ պետք է մեկը մյուսի հետևից հանրությանը ներկայացնեն իրենց մեկ տարվա հեղափոխական աշխատանքի պտուղները: Հանրությունն էլ շունչը պահած սպասում է հասկանալու համար՝ մեկ տարվա մեջ հպարտ նախարարները ի՞նչ են հասցրել անել, բացի, իհարկե, սեփական սոցիալական դրությունը կտրուկ բարելավելուց:
Փորձենք միջանկյալ ամփոփել Հայաստանի՝ թերևս ամենա «սորոսականացված»՝ Աշխատանքի և սոցիալական ապահովության նախարարության աշխատանքները: Դժվար թե գտնվի մեկը, ով միանշանակ կպնդի, թե նախարարությունը կատարել է իր բոլոր սոցիալական պարտավորությունները, իսկ Հայաստանի հպարտ քաղաքացիների սոցիալական խնդիրները ռեալ լուծում են ստացել: Նախարարությունը իր տարեկան հաշվետվության մեջ, թերևս, չպետք է մոռանա զետեղել այն հանգամանքը, որ պաշտոնը ստանձնելու պահից սկսած մինչ օրս նախարար Զարուհի Բաթոյանն առավելապես լծված է եղել նախարարության ներսում կադրային «ռազբորկաները» կարգավորելով և Ստամբուլյան կոնվենցիայի բացահայտ քարոզով, երրորդ սեռի վարչության հիմնարկեքով, մանկատներ և գիշերօթիկներ փակելով, ինչի պատճառով էլ քաղաքացիներն արդեն իսկ նախարարի հրաժարականի հրապարակային պահանջ են հնչեցնում:
Նախարարությունը պետք է պարզաբանի նաև, թե ի վերջո ի՞նչ բացահայտվեց Փարոս ծրագրի տակը քրքրելու արդյունքում. կա՞ր համատարած կոռուպցիա և միլիոնների յուրացում նախկինների կողմից, ծրագրով կազմված ցանկերը ճշգրտվե՞լ են, թե Նոր Հայաստանում էլ օլիգարխները կարող են օգտվել սույն ծրագրից, իսկ իրական շահառուները՝ կոռուպցիայի պատճառով դուրս մնան: Կոռուպցիոն բացահայտումների մասով էլ նախարարությունը, ինչ խոսք, թերացել է: Նիկոլ Փաշինյանը և իր թիմը սոցապը համարում էին կոռուպցիայի որջ, ամենակոռումպացված նախարարությունը Հայաստանում, սակայն նոր կաբինետի պարագայում, կարծես թե, բոլոր մեղադրանքները «ջրվեցին»՝ պետական բյուջե վերադարձվող գումարների ծավալները, ոլորտում բացահայտումները խայտառակ ցածր ցուցանիշներ են արտացոլում: Ի՞նչ է ստացվում. նախկինում այսօրվա հեղափոխականները պոպուլիզմո՞վ են զբաղվել, թե կոռուպցիան այսօր էլ կա համակարգում, պարզապես դրա շահառուները այլևս հենց իրենք են…
ՈՒՂԻՂ ԵԹԵՐ
Ամենադիտված 
«Խոպան գնալուց առաջ գնացել էին աներոջ տուն՝ հաջող անելու». մանրամասներ վթարից մահացած ընտանիքի մասին
