Ճշմարտությունն ասելը միակ բանն է, որ կարող եմ անել. Օրհան Փամուքը՝ Հայոց ցեղասպանության ճանաչման մասին

Հայտնի թուրք գրող Օրհան Փամուկը Արաբական Միացյալ Էմիրությունների Շարջա քաղաքում կայացած գրքի տոնավաճառում ասել է, որ Հայոց ցեղասպանության մասին հայտարարությունից հետո Թուրքիայում հետապնդում է սկսվել իր նկատմամբ։

Գրականության ոլորտում Նոբելյան մրցանակակիրը հայտարարել է, որ իրեն «քաջագործ» չի համարում և անհրաժեշտ է համարում ասել այն, ինչ մտածում է:

«Գիտեք, ես ապրում եմ աշխարհի այն հատվածում, որտեղ շատ գրողներ իրենց համոզմունքների համար բանտում են հայտնվում: Այնպես որ, ես երջանիկ գրող եմ, և ասել ճշմարտությունը, այն ամենն է, ինչ ես կարող եմ անել»,- մեջբերում է Московский Комсомолец-ը:

Rusarminfo-ին նշում է, որ այդ խոսքերից հետո դահլիճում բուռն ծափահարություններ են հնչել։

2005-ին Թուրքիայում Օրհան Փամուքի նկատմամբ հետապնդում է սկսվել իշխանությունների և ազգայնականների կողմից այն բանից հետո, երբ նա հայտարարել է, որ Թուրքիայում 1 միլիոն հայ ու 30 000 քուրդ է սպանվել։