Վաղը ՄԱԿ-ում տեղի կունենա քվեարկություն Սիրիայի հարցով

Վաղը ՄԱԿ-ի Գլխավոր ասամբլեայում տեղի կունենա Սիրիայում հակամարտության վերաբերյալ բանաձևի նախագծի քվեարկություն։ 

Ռուսական լրատվական գործակալություները, վկայակոչելով դիվանագիտական աղբյուրներին, հաղորդում են, որ Սաուդյան Արաբիայի կողմից ներկայացված փաստաթղթի նախագիծն էական փոփոխությունների է ենթարկվել:

Տեքստից հանվել է պետություններին ուղված՝ Դամասկոսի նկատմամբ միակողմանի պատժամիջոցների կիրառման կոչը։ Բացի այդ, փաստաթղթից անհետացել է նախագահ Բաշար ալ-Ասադի հեռացմանը վերաբերող գլուխը, որը դիտարկվում էր որպես պարտադիր պայման իշխանության խաղաղ փոխանցման համար։ Միևնույն ժամանակ, փաստաթղթի հեղինակները Դամասկոսից սպասում են զորքերի՝ բնակավայրերից դուրսբերում, ինչպես նաև ռազմական տեխնիկայի օգտագործման դադարեցում։