Ով է այն պաշտոնյան, ով շնորհակալություն է հայտնել ոստիկանապետին իրեն տուգանելու համար

ԼՈՒՐԵՐ․com-ին հայտնի դարձավ, որ այն բարձրաստիճան պաշտոնյան, ով զանգահարել է ոստիկանապետին և շնորհակալություն հայտնել իրեն ճանաչելով հանդերձ տուգանելու համար՝ ՊԵԿ նախագահի տեղակալ Շուշանիկ Ներսիսյանն է։ Նշենք, որ վերջինս հայտնի է «Նակոլկա Շուշո» մականունով։

Տեղեկությունը ճշտելու համար փորձեցինք կապ հաստատել նաև Շուշան Ներսիսյանի հետ, սակայն մեզ չհաջողվեց զրուցել նրա հետ։ Եթե Ներսիսյանը որոշի արձագանքել, կներկայացնենք նաև նրա խոսքը։

Հիշեցնենք, որ քիչ առաջ ՀՀ վարչապետ Նիկոլ Փաշինյանը իր ֆեյսբուքյան էջում գրել էր, որ ոստիկանապետ Արման Սարգսյանին հանձնարարել է խրախուսել բարձրաստիճան պաշտոնյանյին տուգանած ճանապարհայաին ոստիկանին։

«ՀՀ Ոստիկանության պետի ժամանակավոր պաշտոնակատար Արման Սարգսյանը ինձ զեկուցեց հետեւյալը.

Հայաստանի մի բարձրաստիճան պաշտոնյա զանգել է իրեն եւ շնորհակալություն հայտնել այն բանի համար, որ Ճանապարհային ոստիկանը երթեւեկության կանոնների խախտման համար կանգնեցրել է իր կողմից վարվող մեքենան եւ չնայած ճանաչել է իրեն որպես բարձրաստիճան պաշտոնյա, այնուամենայնիվ տուգանել է:

Լսելով այս պատմությունը՝ Ոստիկանության պետի ժամանակավոր պաշտոնակատարին հանձնարարեցի խրախուսել երթեւեկության կանոնների խախտման համար բարձրաստիճան պաշտոնյային տուգանած ճանապարհային ոստիկանին»,- գրել էր վարչապետը:

Սոնա Հարությունյան