Արտոնություն տրվեց ջրերի շշալցման ներդրումային ծրագրին (տեսանյութ)
ՏնտեսությունԿառավարությունը լրացուցիչ արտոնություն տրամադրեց «ԷՅ ԸՆԴ ԷՄ ՌԵՅՐ» ընկերությանը, որն այս տարվա մարտի 14-ին մաքսատուրքից ազատվելու արտոնություն էր ստացել՝ ներկայացրած ծրագրի շրջանակներում: Ըստ նախագծի հիմնավորման, սույն որոշման նախագծի մշակումը պայմանավորված է ընկերության կողմից գերակա ոլորտում իրականացվող ներդրումային ծրագրի իրականացումն ապահովելու անհրաժեշտությամբ:
«ԷՅ ԸՆԴ ԷՄ ՌԵՅՐ» ՍՊԸ-ն ներմուծել է սարքավորումներ քաղցրահամ ու հանքային ջրերի շշալցման համար: Ներկայումս անհրաժեշտություն է առաջացել չորրորդ փուլով ներմուծել 30 մլն դրամի չափով ապրանքների լրացուցիչ խմբաքանակ` առաջիկա արտադրական պրոցեսի բնականոն ընթացքը չխաթարելու համար:
Համաձայն ընկերության կողմից տրամադրված տեղեկատվության` ներդրումային ծրագրի շրջանակում ընկերությունում ստեղծվել է 23 նոր աշխատատեղ և իրականացվել 1,86 մլրդ դրամի ներդրում:
Արտոնության առկայությունը լուրջ խթան կհանդիսանա նոր ներդրումային ծրագրերի իրականացման եւ որպես հետեւանք նոր աշխատատեղերի ստեղծման, ներդրումների ներգրավման, տեղական արտադրության եւ արտահանման խթանման համար:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
