Սիրիայում մոտ 3 մլն մարդ մարդասիրական օգնության կարիք ունի. ՄԱԿ

Այսօր ՄԱԿ-ը հրապարակել է Սիրիայի սովյալների թվի վերաբերյալ նոր տվյալներ. սննդի տրամադրման հարցում առաջիկա երեք ամսվա ընթացքում օգնության կարիք կունենա Սիրիայի մոտ 1.5 մլն բնակիչ:

Ըստ կազմակերպության, ևս մոտ մեկ միլիոն սիրիացի օգնության կարիք ունեն գյուղատնտեսության ոլորտում: Ինչպես հաղորդվում է, բնակիչները, մասնավորապես, ունեն սերմի, անասնակերի, վառելիքի, ինչպես նաև ոռոգման համակարգերի վերանորոգման կարիք։ Ըստ ՄԱԿ-ի, Սիրիայի գյուղատնտեսական ոլորտը 2012 թ. ընթացքում կրել է 1.8 մլրդ չափով կորուստ։

«Այսպիսի կորուստների տնտեսական ազդեցությունը չափազանց լուրջ է, սակայն, մարդասիրական հեևանքները շատ ավելի արդիական են», - նշել է Սիրիայիում կազմակերպության ներկայացուցիչ Մուհադան Հադին։

Ինչպես այսօր տեղեկացրել է ՄԱԿ-ը, վերջին մի քանի օրվա ընթացքում Հալեպում կառավարական զորքերի և ապստամբների միջև բախումները զգալի հաճախակիացել են։ Հիշեցնենք նաև, որ ԱՄՆ նախագահ Բարաք Օբաման թւոյլ է տվել հատուկ ծառայություններին օգնություն ցուցաբերել սիրիացի ապստամբներին։