«ժողովուրդ». «Ջերմուկ գրուպ»-ի աշխատակիցները որոշ ժամանակով գործադո՞ւլ են հայտարարել

«Լավատեղյակ աղբյուրները փոխանցում են, որ հուլիսի 30-ին՝ժամը 16:00-ի սահմաններում, Ջերմուկ քաղաքում «Ջերմուկ գրուպ»-ի աշխատակիցները որոշ ժամանակով գործադուլ են հայտարարել: Նրանք դժգոհել են, որ ընդամենը 85 հազար դրամ աշխատավարձ են ստանում, սակայն օրնիբուն աշխատում են:

Թերթի տեղեկություններով՝ գործադուլին ներկա է եղել նաև «Ջերմուկ գրուպ»-ի տնօրեն Անաստաս Արսենյանը, որը ձևացրել է, թե ինքն էլ բոլորի նման բանվոր է, բայց բողոքի առնչությամբ կփորձի զրուցել եղբոր՝ Աժ պատգամավոր, ՀՀԿ-ական Աշոտ Արսենյանի հետ: Սակայն տնօրեն Անաստաս Արսենյանը թերթի հետ զրույցում հավաստիացրեց, որ գործադուլ չի եղել.

«Բանվորը մեզ մոտ ստանում Է 85 հազար դրամ, և մենք անգամ նպատակ ունենք հունվար ամսից աշխատավարձերը բարձրացնել, գործադուլ կամ բողոք, նման բան չի եղել: Եթե ուրիշ տեղ բանվորը կարող է 85 հազար դրամից ավել գումար ստանալ, խնդրեմ, կարող են գնալ, այնտեղ աշխատել»»: