Փաշինյանը հերքում է Փաշինյանին. այն, ինչի մասին մոռացել է վարչապետը
Վերլուծական
Նիկոլ Փաշինյանի՝ ըմդդիմադիր շրջանում արված հայտարարությունների և այսօր նրա վարած քաղաքականության դիսոնանսը ՝ հեղափոխությունից հետո մեկ ու կես տարի անց ավելի վառ է սկսել ի հայտ գալ: Օրինակ, ի՞նչ էր ասում Փաշինյանը՝ կապված ՀՀԿ հարկային քաղաքականության հետ: Նա պահանջում էր, որպեսզի հարկերը, առնվազն, մի քանի տարի չբարձրացվեն, որպեսզի քաղաքացիներ և բիզնեսը կարողանան շնչել: Ինքն էլ իր հերթին առաջարկում էր բավական հետաքրքիր լուծումներ, օրինակ հարկային դրույքաչափերի նվազեցում, սահամանամերձ շրջանների բնակիչներին հարկերից ազատում և այլն: Սակայն ի՞նչ արեց Փաշինյանը՝ դառնալով վարչապետ: Անցած մեկ ու կես տարվա ընթացքում Հայաստանում բարձրացել են, գրեթե, բոլոր հնարավոր հարկատեսակները, անգամ հորինվել են նորերը, և այսօր Հայաստանի հպարտ քաղաքացիները ստիպված են մտածել եկամտահարկից մինչև աղբի հարկ վճարելու անհրաժեշտության մասին, առողջապահության հարկն էլ շուտով կներդրվի՝ էլ ավելի ծանրացնելով այդ քաղաքացիների սոցիալական, հարկային բեռը:
Փաշինյանի մոտ նման կոնտրաստները միայն տնտեսության ոլորտում չէ, որ նկատվում են: Ընդդիմադիր Փաշինյանը բազմիցս էր քննադատել Սերժ Սարգսյանի կողմից վարվող արտաքին քաղաքականությունը, սակայն այսօր Փաշինյանի վարած արտաքին քաղաքականությունը, իրականում, ոչնչով չի տարբերվում Սարգսյանի վարած քաղաքականությունից: Կախվածությունը ՌԴ-ից, որի համար Փաշինյանը թիրախավորում էր Սարգսյանին, չի մեղմվել, ԵՄ-ի հետ հարաբերությունները, եթե չեն վատթարացել, ապա ակնհայտ առաջընթաց էլ չի նկատվում՝ դա ակնհայտ է: Ընդդիմադիր Փաշինյանը շատ ավելի պրոարևմտյան տեսակետ պաշտպանող գործիչ էր, քան վարչապետ Փաշինյանը: Արցախի հարցում էլ նա պահանջում էր Սարգսյանից արժանի ու կոշտ պատասխաններ տալ Ալիևի նկրտումներին և ռազմական հռետորաբանությանը, Սարգսյանին նա այս առումով համարում էր թույլ լիդեր: Սակայն մենք տեսնում ենք այսօր, թե ինչպիսի խաղաղասիրություն է հորդում գործող իշխանությունների քայլերից և հայտարարություններից, հայ սպային կացնահարած Սաֆարովին հերոսի կոչում տվող Ալիևն էլ, ըստ Փաշինյանի, համարվում է կիրթ մարդ:
Թերևս վարչապետ Փաշինյանը կարիք ունի պարբերաբար վերանայել նախկինում իր ունեցած հրապարակային ելույթները, վերընթերցել նախկինում արված հրապարակային հայտարարությունները: Այդպես, գուցե հնարավոր կլինի խուսափել անհարմար իրավիճակներից, որոնց մեջ պարբերաբար հայտնվում է երկրի թիվ մեկ դեմքը…
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
