«Գնացեք, ասեք՝ ապերնե'ր, իջեք ներքև». միջադեպ ՊԵԿ-ի դիմաց
Տնտեսություն
Ինչպես արդեն տեղեկացրել ենք, ավտոներկրողները հավաքվել են Պետական եկամուտների շենքի դիմաց։ Նրանք բողոքում են հունվարի 1-ից ավտոմեքենաների ներկրման մաքսավճարը բարձրացնելու և դրանից առաջացած իրավիճակի դեմ։
«Մաքսատունն արդյունավետ չի աշխատում, ինչի հետևանքով ներկրված մեքենաները քարշակներից իջեցնելիս վնասվածքներ են ստանում։ Ո՞ւմն է այդ կազմակերպությունը, որ շահել է տենդեռը և մեքենաները ինքը պիտի բեռնաթափի։ Կարա՞ք հրապարակեք այդ ընկերության անունը և ո՞վ է սեփականատերը։ Իմ ոչ պաշտոնական տվյալներով Գյումրու մաքսատան պետն է»,- դժգոհում է ակցիայի մասնակիցը։
Բողոքի ակցիայի մասնակիցների հետ հանդիպած ՊԵԿ մամուլի խոսնակ Լուսինե Մկրտչյանն ասաց, որ ինքը կարող է միայն նրանց գրավոր պահանջները փոխանցել ղեկավարությանը։ Սակայն բողոքի ակցիայի մասնակցին, ով ներկայանում էր գնդապետ, հունից հանեց մամուլի խոսնակի քմծիծաղը․ «Ձեր քմծիծաղը բավարար հիմք է, որ ես չշարունակեմ խոսակցությունը։ Խնդրում եմ՝ կանչե՛ք, ձեր ղեկավարներին»։
Զինվորականին վրդովվեցրեց նաև ներկաներից մեկի «ապեր»-ով դիմելաձևը, որը հավանաբար ՊԵԿ աշխատակից էր։ Վերջինս հորդորում էր կնոջ հետ հարգալից խոսել։
«Ձեր ղեկավարներին ասեք՝ իջնեն ներքև։ Ապերները վերևն են ստեղ չեն։ Գնացեք, ասեք՝ ապերներ, իջեք ներքև»,- ասում էին ավտոներկրողները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
