Եմենում մահապարտ–ահաբեկչի հարձակման հետևանքով զոհվածների թիվը հասել է 42-ի

Եմենի հարավում գտնվող Աբյան նահանգի Ջաար քաղաքում մահապարտ ահաբեկիչի իրականացրած պայթյունից զոհվածների թիվը հասել է 42–ի, ևս 37-ը ստացել են մարմնական վնասվածքներ, հայտնում է France Presse-ը։

Պայթյունն իրականացվել է հուղարկավորության ժամանակ։ Աբյանի նահանգապետ Ջամալ Ակալը հանդես է եկել հայտարարությամբ, որում հայտնել է, որ իշխանությունները սկսել են հուղարկավորության թափորի վրա «հանցավոր և վախկոտ» հարձակման հետաքննությունը։

Որոշ ականատեսների վկայությամբ՝ մահապարտ–ահաբեկիչը եղել է «Ալ–Ղաիդա»–ի անդամ։