Հայտարարվել է «Ոսկե գլոբուս 2020»-ի հավակնորդների ցանկը
Գիտություն և ՄշակույթՔվենտին Տարանտինոն (Մեկ անգամ Հոլիվուդում), Մարտին Սկորսեզեն (Իռլանդացին) և հարավկորեացի ռեժիսոր Պոն Չժուն Հոն (Մակաբույծները) լավագույն ռեժիսոր անվանակարգում նոմինացված են «Ոսկե գլոբուս» ամենամյա մրցանակաբաշխությանը:
Ինչպես հաղորդում է «ՌԻԱ Նովոստի»-ին, այդ անվանակարգում նոմինացված են նաև բրիտանացի Սեմ Մենդեսը «1917» ֆիլմի և ամերիկացի ռեժիսոր Թոդ Ֆիլիպսը՝ «Ջոկեր» ֆիլմի համար:
«Լավագույն դերասանուհի դրամայում» անվանակարգին հավակնում են Սինտիա Էրիվոն («Հարիեթ» ֆիլմում դերի համար), Սքարլեթ Յոհանսոնը («Ամուսնական պատմություն»), Սիրշա Ռոնանը («Փոքրիկ կանայք»), Շարլիզ Թերոնը («Սկանդալ») եւ Ռենե Զելվեգերը («Ջուդի»)։
«Լավագույն դերասան դրամայում» անվանակարգում նոմինացված են Քրիստիան Բեյլը («Ֆորդն ընդդեմ Ֆերարիի»), Անտոնիո Բանդերասաը («Ցավ եւ փառք»), Ադամ Դրայվերը («Ամուսնական պատմություն»), Խոակին Ֆենիքսը («Ջոկեր») եւ Ջոնաթան Փրայսը («Երկու պապերը»)։
«Ոսկե գլոբուս» մրցանակն ամեն տարի հանձնում է Հոլիվուդում հավատարմագրված օտարերկրյա ժուռնալիստների ասոցիացիան: Հերթական 77-րդ արարողությունը տեղի կունենա Լոս Անջելեսում հունվարի 5-ին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
