Փոխհրաձգություն Վիսկոնսին նահանգի սիքխյան տաճարում. կա 7 զոհ

Ամերիկյան ոստիկանության տվյալներով, Վիսկոնսին նահանգի Օուք Քրիք քաղաքի սիկխյան տաճարում սպանվել է առնվազն 7 մարդ՝ ներառյալ հանցագործներից մեկը։

Ընդհանուր առմամբ, նահանգի հարավ-արևելքում գտնվող քաղաքում բնակվում է 30,000 մարդ։ Ոստիկանությունը չի հստակեցնում, թե կա՞ն արդյոք տաճարում զինված մարդիկ, քանի որ իրավիճակն անընդհատ փոխվում է։

Այն բանից հետո, երբ ոստիկանական բաժանմունք են ստացվել բազմաթիվ ահազանգեր, տաճար է ուղարկվել հերթապահ ոստիկաններից մեկը, որը փոխհրաձգության մեջ է մտել զինված հանցագործների հետ։

Ոստիկանը ստացել է բազմաթիվ հրազենային վնասվածքներ։ Բարեբախտաբար, նրա կյանքին վտանգ չի սպառնում։ Ոստիկանությունը շրջափակել է տաճարը և հեռուստալրագրողներին հորդորում է զերծ մնալ ուղիղ եթերից՝ գործողությանը չխանգարելու համար։