Սիրիայի վարչապետն անցել է ընդդիմության կողմը

Սիրիայի նախագահ Բաշար ալ Ասադը պաշտանանկ է արել երկրի վարչապետ Ռիյադ Հիջաբին: Այդ մասին հաղորդում է Reuters գործակալությունը:

Միաժամանակ, France-Presse-ը, վկայակոչելով իրավապաշտպաններին, հաղորդում է, որ վարչապետին պաշտոնանկ անելու պատճառ էր դարձել վերջինիս՝ ընդդիմության կողմն անցնելը և երկրից փախուստի դիմելը:

Հիջաբը վարչապետ էր նշանակվել Սիրիայի վերջին խորհրդարանական ընտրություններից անմիջապես հետո` հունիսի 6-ին: Մինչ այդ նա գլխավորում էր երկրի գյուղատնտեսական գերատեսչությունը:

Սիրիայի վարչապետի պաշտոնակատար է նշանակվել Օմար Գալավանջին: