«Հրապարակ». Գյումրիի ղեկավարի ընտրություններում ընդդիմությունը չի կարող որևէ դերակատարում ունենալ. Պետրոս Մակեյան
Հայկական Մամուլ
Արմատական ընդդիմություն Հայ ազգային կոնգրեսը, թեև Գյումրիում սեփական թեկնածուն առաջադրելու հարցում որևէ հայտարարությամբ հանդես չի եկել, բայց, հավանաբար, չի մտնի մատի ու մատանու արանքը:
ՀԱԿ անդամ, «Ժողովրդավարական հայրենիք» կուսակցության ղեկավար Պետրոս Մակեյանը թերթ հետ զրույցում ասել է, որ, իր տեղեկություններով, որևէ որոշում առայժմ չկա:
«Ես մի առիթով ասել եմ՝ Գյումրիում ընչազուրկներն են շատ, այսինքն՝ որևէ մարդ քաղաքացիական դերակատարում չունի, քաղաքական ընդհանուր պրոցեսը Գյումրիի համար առանձնահատուկ շեշտադրություն ունի: Եթե վերևներում գործընթացները գնում են իշխանությունների համար սահուն սցենարով, նշանակում է արդեն կանխորոշել են, թե ով պիտի լինի քաղաքապետը, իսկ ընդդիմությունն էլ, եթե սցենարը գնում է իշխանական սցենարով, անելիք չունի»,-ասաց Մակեյանը՝ նշելով, որ ինքը լավ ծանոթ է քաղաքի նիստուկացին, ընդդիմադիր ընկերներին և գտնում է, որ ՀՀ երկրորդ քաղաքի ղեկավարի ընտրություններում ընդդիմությունը չի կարող որևէ դերակատարում ունենալ:
ՈՒՂԻՂ ԵԹԵՐ
Ամենադիտված 
Սուրեն Պապիկյանը պաշտոնից ազատել է «համացանցի հիթ» դարձած վարչության պետին
