«Ժողովուրդ». «Աշխատանք և արժանապատվությունը» միավորել է Գյումրիի ավագանու թեկնածուներին

Երեկ «Ժողովուրդ»-ը բավականին հետաքրքիր տեղեկություններ է ստացել Գյումրիից: Պարզվում է, մեր «հայրաքաղաքում» ստեղծվել Է «Աշխատանք և արժանապատվություն» անունը կրող հասարակական նախաձեռնություն, որում ներգրավված են գալիք ՏԻՄ ընտրություններում առաջադրվել պատրաստվող ավագանու թեկնածուները:

Նախաձեռնության անդամները երկու օր առաջ ստորագրել են արձանագրություն, որտեղ որպես գերակա նպատակներ համարում են՝ ավագանու՝ որպես քաղաքի ղեկավարման կարևորագույն օղակի կայացումը, Գյումրին որպես մշակութային քաղաքի վերահաստատումը, թշնամական մթնոլորտի վերացումը և այլն: Մեր ձեռքում հայտնված արձանագրության տակ ստորագրել են ավագանու շուրջ երկու տասնյակ թեկնածուներ: