Մտավորականությունը հանցավոր է, էլ չասեմ եկեղեցու մասին. Երվանդ Մանարյան

Այսօր Վահե Ավետյանի մահվան 40 օրն է, և «Հարսնաքարի» մոտ ժամը 19.00-ին մոմավառություն են կազմակերպելու: Երեկ սիրված դերասան Երվանդ Մանարյանը «Հրապարակ»-ի հետ զրույցում այդ առիթով ասել է.

«Մեր հեռուստատեսությունների, թատրոնների կողմից ի՞նչ վերաբերմունք եղավ, այսօր քառասունքն է, չէ՞, տեսեք այսօր հեռուստատեսություններով ինչ կլինի՝ նույն տափակ հումորները, հռհռոցները, ամեն ինչը նույնն է լինելու... մեր մտավորականությունը շատ հանցավոր է այս հարցում, էլ չասեմ եկեղեցու մասին... Թող Աստված ինձ հազար անգամ ների, բայց այդ մոմավառությունը և այլն, ոչ թե նպաստում են, որ մեր ժողովուրդը հասնի իր իրավունքների գիտակցությանը, այլ ճիշտ հակառակն են անում՝ քնեցնում են կարծես, որ՝ դե մոմավառությունն էլ արեցինք, վերջացավ»: