Բանակցություններ ենք վարում Ադրբեջանի օկուպացված տարածքներն ազատելու համար․ Մամեդյարով

Ադրբեջանի արտգործնախարար էլմար Մամեդյարովը ադրբեջանական ԶԼՄ-ներին տարին ամփոփող հարցազրույց է տվել, որի ժամանականդրադարձել է նաև Ղարաբաղյան հակամարտության թեմային: 

Նա նշել է, որ չնայած այս տարի ԼՂ հակամարտության կարգավորման շուրջ ընթացող բանակցություններում հստակ առաջընթաց չի նկատվել, բայց չի կարելի ասել, որ դրանք «փակուղի են մտել», հաղորդում է Minval.az կայքը:

«Բազմաթիվ հանդիպումները և հստակ նախաձեռնությունները, որոնք իրականացվել են այս տարվա ընթացքում, վկայում են բանակցային գործընթացը շարունակելու անհրաժեշտության մասին: Մենք միշտ ասել ենք, որ քանի դեռ հնարավորություն կա խաղաղաքին գերատեսչության ղեկավարը:

Նա նաև նշել է, որ Հայաստանի կողմից բարձրացվող անվտանգության և կարգավիճակի մասին հարցերը պետք է լուծվեն ԵԱՀԿ-ի համապատասխան որոշումների համաձայն՝ կարգավորման գործընթացի շրջանակում, ինչպես նաև համաձայն ՄԱԿ-ի բանաձևերի, որոնք վաղեմության ժամկետ չունեն: Ադրբեջանի Ադրբեջանի արտգործնախարարը նշել է նաև, որ առանց Ղարաբաղի ադրբեջանական բնակչության վերադարձի հնարավոր չի համարում քննարկել կարգավիճակի հարցը և իրենք բանակցություններ են վարում Ադրբեջանի օկուպացված տարածքներն ազատելու համար:

«Եթե անգամ հակամարտությունը կրկին բռնկվի, բանակցությունները հետագայում նորից կշարունակվեն, որովհետև չի լինում ո՛չ հավերժական պատերազմ, ո՛չ հավերժական բանակցություններ», -ասել է Մամեդյարովը և երկու երկրների միջև դիվանագիտական հարաբերությունների բացակայությունը և այդ պատճառով միջնորդ երկրների միջոցով դրանց վարելը արդարացրել է «Հայաստանի ագրեսիվ քաղաքականությամբ»։