Իրանի անվտանգության խորհրդի քարտուղարն անսպասելի այցով ժամանել է Դամասկոս

Իրանի ազգային անվտանգության գլխավոր խորհրդի քարտուղար Սաիդ Ջալալին այսօր անսպասելի ժամանել է Սիրիայի մայրաքաղաք Դամասկոս, որտեղ հանդիպումներ են նախատեսված Սիրիայի բարձրաստիճան պաշտոնյաների, ինչպես նաև նախագահ Բաշար Ասադի հետ, հայտնում է իրանյան Press TV հեռուստաընկերությունը։

Ջալիլին Դամասկոս ժամանել է Բեյրութից, որտեղ նախօրեին հանդիպել էր Լիբանանի ղեկավարության հետ։ Ջալիլիին սիրիական օդանավակայանում դիմավորել են Սիրիայի փոխարտգորնախարար Ահմադ Արնուսը և Սիրայում Իրանի լիազոր դեսպան Մոհամմադ Ռեզա Շայբանին։

Հիշեցնենք, որ օգոստոսի 4-ին սիրիացի ապստամբները Դամասկոսի արվարձաններից մեկում կանգնեցրել էին ավտոբուսն ու պատանդ վերցրել Իրանի 48 քաղաքացու։ Թեհրանում հայտնել էին, որ պատանդները իրանցի ուխտավորներ են, սակայն ըստ ապստամբների, նրանք իսլամական հեղափոխության պահապանների ջոկատի առաջանդրանքով էին գտնվում Սիրայում։

Նախօրեին, ապստամբների ներկայացուցչի խոսքով, կառավարության օդուժիմ կողմից ապստամբների դիրքերի ռմբակոծման արդյունքում 48 հոգուց 3-ը զոհվել են։

Ավելի վաղ հաղորդվել էր, որ Իրանի արտգործնախարարը մեկնել էր Թուրքիա, որտեղ քննարկել էր իրավիճակը Սիրիայում, ինչպես նաև պատանդ իրանցիների հարցը։ Ինչպես հաղորդում էին Իրանի պաշտոնական ԶԼՄ-ները, «Ազատ սիրիական բանակ»-ի ապստամբները, ովքեր գերության մեջ են պահում իրանցի ուխտավորներին, վայելում են Թուրքիայի աջակցությունը, իսկ արտգործնախարարը Թուրքիա իր այցով ուզում է «զգուշացնել» պաշտոնական Անկարային հետագա պատասխանատվության մասին։